ბლიც ინტერვიუ მარიამ ხაბეიშვილთან

- გაგვეცანით, როგორც PR სპეციალისტი

მე ვარ მარიამ ხაბეიშვილი ხელოვნური განაყოფიერებისა და რეპროდუქციული ჯანმრთელობის კლინიკა ‘’ინ ვიტრო’’-ს საზოგადოებასთან ურთიერთობისა და მარკეტინგის მენეჯერი. ყოველთვის მიტაცებდა სამედიცინო სფერო და სწორედ ამ მიმართულებით გადავწყვიტე პროფესიის არჩევა, კერძოდ ჯანდაცვის მარკეტინგი და მენეჯმენტი. ჩემი სამუშაო გამოცდილება უკვე 7 წელზე მეტს მოიცავს, ძალიან მიყვარს ჩემი საქმე და ყოველდღიურად აქტიურად ვარ ჩართული სხვადასხვა პროექტში კლინიკა ‘’ინ ვიტრო’’- ს გუნდათ ერთად, რაც გულისხმობს სტრატეგიული კომუნიკაციის წარმართვის პროცესს.

- თქვენი PR სლოგანი….

შექმნა ღირებული პროდუქტი კომუნიკაციის საშუალებით

- რას ნიშნავს თქვენთვის PRოფესია?

PR  ეხმარება ამა თუ იმ კომპანიას ან ორგანიზაციას ჩამოაყალიბოს დადებითი შეხედულება საზოგადოებაში. PR პროფესია ჩემთვის ახალ გამოწვევებთან გამკლავებაა, რაც არსდროს გაძლევს მოდუნების საშუალებას.

  - კომუნიკაცია არის...

იარაღი ნებისმიერი ორგანიზაციის წევრებისთვის, რომელიც გეხმარება გარკვეული აქტივობების ფოკუსირებასა და მიზანმიმართული კამპანიის დაგეგმვაში.

- პიარი გრძნობს..

საზოგადოების დამოკიდებულებას

- პიარმა იცის...

როგორ მოახდინოს ზეგავლენა, მიიზიდოს და ურთიერთობა განავითაროს დაინტერესებულ მხარეებთან.

- პიარმა  არ იცის...

მხოლოდ დროის გარკვეულ მონაკვეთში მუშაობა,  შეუძლებელია პიარ მენეჯერის საქმე დასრულდეს პარასკევს საღამოს და გაგრძელდეს ორშაბათს დილით, შაბათ-კვირას მინიმუმ 3 სამსახურეობრივ ზარზე, მეილსა თუ  ფეისბუქ გვერდზე მოწერილ გზავნილებზე გვიწევს პასუხის გაცემა.

- პიარს შეუძლია ...

მონაწილეობა მიიღოს სხვადასხვა კომპანიის საზოგადოებრივი ცნობიერების ფორმირებაში და ხელი შეუწყოს ორმხრივ სტრატეგიულ კომუნიკაციას მომხმარებელსა და ორგანიზაციას შორის.

- პიარს არ შეუძლია...

გარკვეულმა ბრენდმა 100 % იან ცნობადობას მიაღწიოს პიარ კამპანიის დაგეგმვიდან უმოკლეს დროში.

 - პიარს უკვირს...

PR - ის როგორც სპეციალობად არ აღქმა

- self  PR-ის საჭიროება...

Self PR საშუალებას გაძლევს გახსნილად ილაპარაკო შენი იდეებისა და გამოცდილების შესახებ, რაც პროფესიონალური თვალსაზრისით გეხმარება გაცილებით დიდი წარმატების მიღწევაში.

 - პიარისთვის თანამედროვე ტექნოლოგიები არის...

უწტვეტი კომუნიკაცია მომხმარებელთან უმოკლეს დროში

 - უკმაყოფილო მომხმარებელი და პიარის როლი.

პიარს ყოველთვის სჭირდება სიახლე და განსხვავებულობა, უნდა იყოს მუდმივად შემოქმედებითი და ორიგინალური. რელევანტური კომუნიკაცია მომხმარებელთან საუკეთესო გზაა ლოიალურობის შესანარჩუნებლად.

 - თვისება(ები) რაც გამოარჩევს პიარ პროფესიონალს.

მაქსიმალურად ორგანიზებული, სწრაფი აზროვნება, შეეძლოს ეფექტური კომუნიკაციის დამყარება, სტრატეგიული გეგმის შემუშავების უნარი, დეტალებზე კონცენტრირება და რაც მთავარია საქმისადმი სიყვარული.

- როგორია „მომავლის პიარი“?

რა თქმა უნდა ციფრულ სამყაროში გაერთიანებული ყველა სერვისის უფრო მეტად გამარტივება  და ინფლუენსერების როლი ეფექტური გაყიდვების განსახორციელებლად.

- რჩევა მომავალ კოლეგებს.

იყვნენ მაქსიმალურად კეთილგანწყობილნი პროფესიისა და მომხმარებლის მიმართ

- წარმატების ფორმულა არის...

მიზანდასახულობა, საკუთარი თავის მუდმივი განვითარება, რაც წარმატების გარანტია.

რესპოდენტი: მარიამ ხაბეიშვილი

კლინიკა "ინ ვიტრო"-ს PR & მარკეტინგის მენეჯერი