ახლობლებს არ გაკვირვებიათ, პროფესიად საზოგადოებასთან ურთიერთობა, რომ აირჩია. ბავშვობიდანვე უყვარს ადამიანებთან კონტაქტი, მათი მოსმენა და ემოციების გაზიარება. საქართველოს უნივერსიტეტის საზოგადოებასთან ურთიერთობის მენეჯერი დღემდე ბავშვური აღტაცებით ურთიერთობს ადამიანებთან..

ინტერვიუ გვანცა გორგაძესთან.

- რატომ აირჩიეთ პიარსპეციალობა?

- ადამიანები პროფესიას სურვილის მიხედვით ირჩევენ და ეს სურვილი მათ შესაძლებლობასა და მახასიათებლებზეა დამყარებული. დაუოკებელი სურვილი გადაარჩინო ადამიანების სიცოცხლე საუკეთესო ექიმებს ქმნის, დაიცვა შენი ქვეყანა და ხალხი - საუკეთესო ჯარისკაცს, საკუთარი ცოდნა ახალ თაობას გაუზიარო - საუკეთესო მასწავლებელს, ხოლო იმის სურვილი, რომ გაავრცელო ინფორმაცია და გამოიწვიო ემოცია - საუკეთესო  პიარმენეჯერებს. შემთხვევითი არაა ჩემს მიერ არჩეული პროფესია, ეს ის საქმიანობაა, რომელიც ჩემში ზის და სიამოვნებას მანიჭებს.